”கயல்விழி… கயல்விழி….”. “என்னங்க காலங்காத்தால என்னய ஏலம் விட்டுக்கிட்டிருக்கீங்க. ரொம்பநாளைக்கப்புறம் இன்னிக்குத்தான் கோர்ட்டுக்குக் கிளம்பிக்கிட்டிருக்கேன்” என்றேன். நான் கயல்விழி. வயது 32. வக்கீல். முதல் பிரசவம் முடிந்த 4 மாதம் கழித்து கோர்ட்டுக்குச் செல்கின்றேன். “அப்படி என்ன கேஸோ?” என்றான் என் கணவன் கணேஷ் (வயது 37, ஒரு பொதுத்துறை வங்கியில் உதவி மேனேஜர்). “கோர்ட்டுக்குப் போய் வாய்தா வாங்கணும். நாலு மாசம் கேப் விட்டதுல கேஸ் ஹிஸ்டரி சுத்தமா மறந்து போச்சு” என்றேன், மளமளவென்று டிஃபன் பாக்ஸில் இட்லியை அடுக்கிக்கொண்டே. அங்கே போய் இடைவேளையில் சாப்பிட்டுக்கொள்ள வேண்டியதுதான்.
