பாசமலர்
இது தினமும் நடக்கற ஒன்று தான் என்றாலும் என்னால் கேட்டு கொண்டு இருக்க பொறுமை இல்லை. ஆமாங்க அம்மா சமயல் அறையில் இருந்து அப்பாவிடம் கத்துவதை தான் சொல்லுகிறேன். ஆனா இதில் மற்ற வீடுகள் போல அம்மா அப்பாவிடம் செலவுக்கு பணம் போதலை இன்னைக்கும் லேட்டாக வராதீங்க என்று சத்தம் போடாமல் எனக்காகத்தான் அம்மா சத்தமே போடறாங்க வேறே எதுக்கு இன்னும் எனக்கு சரியான ஒரு வரன் அமையலையென்னு தான். அப்பா அம்மா முயற்சி செய்யாமல் இல்லை அதே போல நான் அழகானவள் தான் இருந்தாலும் இந்த பாழாய் போன ராசி ஜாதகம் தான் என் கல்யாணத்துக்கு வில்லன்.
ஆமாங்க ஏழாம் வீட்டில் செவ்வாய் எவன் தான் இந்த கட்டங்களை கண்டு பிடிச்சானோ அதுக்காக நீங்க எனக்கு ஒரு முப்பது முப்பதைஞ்சு வயசு ஆயிடுச்சோன்னு நினைக்க வேண்டாம் இந்த கார்த்திகை வந்தா இருவத்தி ரெண்டு முடிஞ்சு இருவத்தி மூணு துவங்குது காலேஜ் முடிச்சு ஒரு வருஷம் தான் ஆச்சு இருந்தாலும் அம்மாவுக்கு கடமையினு ஒண்ணு இருக்கு இல்ல அந்த ஆதங்கம் தான் இந்த தினசரி சண்டைக்கு காரணம். எங்க குடும்பம் ரொம்ப சின்ன குடும்பம் அப்பா அம்மா எனக்கு ஒரு அண்ணன் அவனும் சென்னையில் இல்லை நாலு வருஷம் ஆச்சு ராணுவத்தில் சேர்ந்து ஆடிக்கு ஒரு முறை அம்மாவாசைக்கு ஒரு முறையினு லீவ் கிடைச்சா ஊருக்கு வருவான். சரி முன்னுரை இத்தோடு நிறுத்திக்கறேன் கதைக்கு வரேன் .
இன்னைக்கும் அப்பா ஒரு ஜாதகம் கையில் எடுத்து கொண்டு ஜோசியரை பார்த்து விட்டு வந்தார். அம்மாவும் வழக்கம் போல என்ன சொன்னார் ஜோசியர் இந்த ஜாதகம் பொருந்துதா என்று கேட்க அப்பா எல்லா பொருத்தமும் இருக்குன்னு சொல்லறார் ஆனா தாலி பாக்கியம் கம்மியா இருக்காம் என்று சொல்ல அம்மா வழக்கம் போல எரிச்சலுடன் சமயல் அறைக்குள் செல்ல நான் என் அறைக்கு சென்றேன். அப்பா பேச்சை மாற்றும் வகையில் அம்மாவிடம் சாந்தி எனக்கு என்னமோ கோவில் குருக்கள் சொன்னது போல ஒரு ஹோமம் வீட்டிலே வளர்த்தா நல்லதுன்னு நினைக்கிறேன் ஆனா நம்ம புள்ளையாண்டான் என்னைக்கு லீவ்ல வரான்னு தெரியலை.
