கதிரவனுக்காகவே காத்திருந்தவர்களைப் போல, குட்டிச்சுவரில் உட்கார்ந்திருந்த அவனது நண்பர்கள்
குதித்துக் கீழே இறங்கினர். ‘ஏதோ பிரச்சினை!’ என்பது மட்டும் புரிந்தது.
“என்னாச்சுடா?” என்று கேட்டான் கதிரவன். அந்த ஏரியாவில் இருந்த சின்ன வயசுப் பசங்களுக்கு
அவன் தான் விஜயகாந்த் மாதிரி.
“எல்லாம் இந்த ஜெயஸ்ரீ மாமியோட தொல்லை தான்,” என்று விரக்தியோடு சொன்னான் ராபர்ட்.
“என்னடா ஆச்சு? இன்னிக்கு யாரைக் கவுத்தாங்க மாமி?” என்று பொங்கி வந்த கோபத்தை அடக்கியபடி
கேட்டான் கதிரவன்.
“ஒண்ணுமில்லேண்ணா, ரஜாக்பாய் கடையிலே நான் சிகரெட் குடிச்சிட்டிருந்தேனா? ஜெயஸ்ரீ மாமி
பார்த்திட்டாங்க! நேரா போய் எங்கப்பா கிட்டே போட்டுக் கொடுத்திட்டாங்க! கேட்கணுமா, பெல்டை
எடுத்து விளாசிட்டாரு விளாசி! தொடையெல்லாம் பாளம் பாளமா பொளந்திருச்சுண்ணா,” என்று
கண்களைக் கசக்கினான் பதினாறு வயதான கிச்சா!
