சாட்சிக்காரன் காலில்விழுவதை விட சண்டைக்காரன் காலில் விழுவது மேல் என கூறி, என் உயிர் நண்பனிடமே நேரடியாக பேச கூறினாள். ஆனால் அவன் என் குரல் கேட்டதுமே போனை கட் செய்து விடுகின்றான். நான் முயற்சிக்கின்றேன் என கூறி என் மனைவி அவள் நம்பரில் இருந்து பொன் செய்தபொழுது உடன் பேசினான்.
“அண்ணா, நான்தான் ப்ரியா பேசுகின்றேன்”
” சொல்லு பிரியா, என்ன சவுக்கியமா?”
“நீ இப்படி பணம் தராமல் இழுத்தடித்தால் , நாங்க எப்படி சவுக்கியமாக இருக்கமுடியும்?”
“நான் என்ன செய்ய முடியும், எனக்கு இடம் விற்க முடியலை , அதனால் பணம் தரலை, அதற்குள், உன் புருஷன் அவசரப்பட்டு கேஸ் போட்டுவிட்டான், நான் இனி ஒன்றும் செய்யமுடியாது, கேஸ் முடிந்து பார்த்துகொள்ளலாம்.”
“அண்ணா, ப்ளீஸ் அப்படி சொல்லாதே , உனக்கு ஒரு அவசர தேவை என்றதும் நாங்க பணம் தந்தோமே, நினைத்து பாரு”
“சும்மாவா குடீத்தீங்க, செக்குரிட்டிக்கு பத்திரம் வாங்கிட்டுதானே கொடுத்தீங்க, பேங்க் வட்டிக்கு மேல் அதிக வட்டி போட்டு உன் புருஷன் என்னிடம் வசூலித்து வருகின்றானே? அது மட்டு நியாயமா?”
“அண்ணா, ப்ளீஸ் தப்போ, ரைட்டோ, எனக்காக பணம் தந்துவிடு , உன் காலை வேண்டுமானாலும் கெஞ்சி கேட்கின்றேன், பணத்தை தந்துவிடு”
“ப்ரியா, சும்மா அதிக வார்த்தை பேசாதம்மா, நீ என் நண்பன் மனைவி, நீ எதற்கு என் காலில் விழ வேண்டும்?, சரி, போனால் போகட்டும், நீ இவ்வளவு தூரம் கெஞ்சுவதால், சில உண்மைகளை கூறுகின்றேன். எனக்கு அடுத்த வாரம் கண்டிப்பாக பணம் வந்து விடும். உடனே உங்களுக்கு பணம் தந்துவிடுகின்றேன் , ஆனால் …. ”
“என்ன ஆனால்? ”
