இரவு பத்து மணிக்கு.. ஆளரவமற்ற அந்த பகுதியில் ஒரு கார் நின்றிருந்தது. சைட் பிரித்து போடப் பட்ட அந்த இடத்தில்.. நிலவின் வெளிச்சம் தவிற.. வேறு வெளிச்சம் இல்லை..!! அது மெயின் சாலையில் இருந்து பிரிந்து செல்லும் கிளைச் சாலை..!! டூட்டி முடிந்த நான்.. என் வீட்டுக்கு போய்க் கொண்டிருந்த போதுதான் அந்தக் கார் என் கண்ணில் பட்டது.. !!கார் பக்கத்தில் போய் என் பைக்கை நிறுத்தினேன். என் பைக் வெளிச்சம் பார்த்து.. சட்டென காரின் பின் கதவு திறந்து இறங்கியவன்.. பேண்ட்.. சர்ட் போட்டிருந்தான். டக் இன் செய்திருந்தான்.. !! இருட்டிலும்.. என் பைக்.. போலீஸ் பைக் என்பதை அடையாளம் கண்டு கொண்டான்..!!
” சார்… !!”
” என்ன இந்த நேரத்துல.. இங்க கார் நிக்குது.. ??”
பைக்கை கார் பக்கம் திருப்பி உள்ளே யாராவது இருக்கிறார்களா என பைக் லாம்ப் வெளிச்சத்தில் பார்த்தேன். உள்ளே ஒரு பெண் இருப்பது பளிச்செனத் தெரிந்தது..!!
” சார்.. வந்து… !!”
” யார் அது.. உள்ள இருக்கறது.. ?? வெளிய வரச் சொல்லு.. !!”
” சார்.. சார்.. அவங்க. என் லவ்வர் சார்.. !! உண்மையை சொல்லிடறேன் சார்..!! கொஞ்ச நேரம் அப்படியே.. மனசு விட்டு பேசிட்டு போலாம்னு வந்தம் சார்..!! வந்து இப்ப.. டூ மினிட்ஸ்தான் இருக்கும் சார்.. !! ப்ளீஸ் சார்.. இப்ப கிளம்பிர்றோம் சார்.. !!”
” அப்படியா..?? சரி.. அவங்கள கீழ எறங்கி வரச் சொல்லு.. நான் பாக்கனும்.. !!”
” சார்.. சார்.. ப்ளீஸ் சார்.. விட்றுங்க சார்.. !!”
” விட்டர்றேன்பா.. அந்த பொண்ண கீழ எறங்கி வரச் சொல்லு.. !! இது கொஞ்சம் மோசமான ஏரியா. காலைல அவங்க இங்க பொணமா கிடந்தா.. அப்ப யார் தலை உருள்றது.. ??”
” சார்.. சார்.. அப்படி எல்லாம் தப்பா இல்ல சார். அவங்க ரொம்ப நல்ல பொண்ணு சார்.. நானும்தான் சார்..!! இப்ப கிளம்பிர்றோம் சார்.. நீங்க போங்க சார்.. !!”
” அப்ப.. அவங்கள.. எனக்கு காட்ட மாட்ட.. ??”
”அப்படி இல்ல சார்.. ப்ளீஸ் சார்.. உங்கள பாத்து பயந்து போய் உக்காந்துருக்காங்க சார். நாங்க இங்க வந்தது தப்புதான் சார்.. எங்களை மன்னிச்சி விட்றுங்க சார்.. !!”
” இப்ப அந்த பொண்ணு.. எறங்குமா எறங்காதா.. ??”
” பயந்துட்டு இருக்காங்க சார்… ப்ளீஸ் சார்.. தப்பா எடுத்துக்காதிங்க சார்.. !!”
அவனது கெஞ்சல் மிக அதிகமாக இருந்தது. ஆனால் ஆள் பார்க்க.. டீசண்டாகத்தான் இருந்தான். இள வயது பையனாகத்தான் இருந்தான்.!
” சரி.. உன் பேரு என்ன.. ??”
” குரு சார்.. !!”
நான் கேட்கும் முன்பே கடகடவென அவனது வேலை.. வீடு பற்றியெல்லாம் சொல்லத் தொடங்கினான். அவன் சொல்வதில் துளியும் பொய்யில்லை என்று தோன்றியது. அவனை விட்டு விடலாம் என்று முடிவு செய்த போது.. அந்தப் பெண்ணே கதவைத் திறந்து கொண்டு கீழே இறங்கினாள். நான் அவள் மேல் லைட் அடிக்க.. சட்டென முகத்தை மறைத்துக் கொண்டாள்..!!
